Un sendeiro de curto percorrido que discorre pola costa norte de Oleiros móstranos a relevancia e singularidade deste espazo natural. Acantilados, furnas, enseadas e illotes ao longo do percorrido poñen de manifesto o seu gran valor paisaxístico, ao tempo que variedade de fauna e flora asoman descubríndonos a súa riqueza biolóxica. Este sendeiro pódese dividir en catro tramos.